MZP chuan Inrinni khan Mizorama lo zin prime minister Narendra Modi hnenah memorandum an thehlut. Memorandum-ah hian Mizorama Chakma foreigner pung chak lutuk chungchang an ziak a ni.
MZP chuan, Mizoram chu state te a nih thu leh tuna Mizoram harsatna lian ber pakhat chu dan loa Bangladesh aṭanga Chakma rawn pêm lutte an nih thu an tarlang a, “Chakma foreigner-te dan kawngah leh rawn pêm lut tawhrte hnawh chhuah kawngah hma min lakpui turin kan ngen che a ni,” an ti.
Mizoram history-ah Chakma-te chu Mizoram mi dik tak (indegenious) an nih ngai loh thu tarlangin MZP chuan, “British hun laiin Lushai hills (Mizoram)-ah British roreltute’n vawi eng emaw zat foreigner chungchangah order an chhuah a ni,” an ti a; chu’ng order-ahte chuan Chakma-te chu foreigner an nih thu ziah a nih thu an tarlang.
MZP-te hian India ram chhiarpui tina Mizorama Chakma awm zat leh an pun chak dante an tarlang bawk.
Credit,vanglaini