Your Daily News

Car Showroom-ah Sales Executive In Loneitupa Zak Taka Siamin A Umchhuaka, Minute 30 Hnua A Lo Kir Leh Chuan…

0 13,087

Eng ang mi pawh ni ila, inzahpahlo tak leh mahni mihringpuite lainatna nei hauh lova intawngkhum leh inhmuhsit ngawt hi thil thalo tak a ni. Kan nihna ang anga min lo pawm ngamtu leh min lo hrethiamtute hi khawvelah chuan an hlu ber thin a ni.

Zirhtawpni liam ta khan loneiha eizawngtu Kempegowda leh a thiante chu Car Showroom-ah SUV lei tuma enthlithlai turin an kalchhuak tih hriat a ni. Showroom an thlen chuan sales executive chuan a nihna leh a hnathawh ngainepin zak taka a siam hnuah a umchhuak zui tih an sawi.

Karnataka, Chikkhasandra hobli lam chhuak farmer Kempengowda chu sales executive khawsakdan leh a thiltih chuan a tithinur hle a, minute 30 hnuah Showroom lama a lo kir leh meuh chuan Cheng nuai 10 a pai a, a duhzawng tak SUV chu phuba lak nan lei a dil ta nghal tih The Times of India chuan a tarlang.

He thil a lo irhchhuahna chhan ber pawh Kempengowda leh a thiante chuan Car lei tumin Showroom lam an pan a, a hmun an thlen chuan Sales Executive in hmusit tak maiin, “Rs.10 pawh in pai em ni?” tiin a lo chhaih nawmnah vel a ni.

Tianga Kempengowda leh a thianten Car lei an tum ta mai chu Staff ten mak an ti hle a, an meng phawk nasa a ni. A tuk Inrinni a lo nih tawh bawk avangin Car pawh hmanhmawh takin an inhlan thei ta chuang lova, Car an lei nghal thei lo chu an thin a rim zual sauha a tawpah phei chuan Police an inrawlh a tul ta hial a ni.

Loneitu Kempengowda leh a thiante chu Police ten theih tawp chhuaha an thlem hnuah, in lamah an hawtir thei ta hram a ni. Mite hi an landan ngawt a teh chi an nilo tih hi kan hriat reng a tul a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!