Your Daily News

BORDER POST CHU LAIPUIIN AN RAWN KAP

0 506

January 24 khan Myanmar sipai lam thusawitu chuan Myanmar leh Bangladesh ramri a policete venbuk chu laipuiin an rawn kap tih a sawi. Hetia rawn kaptute hi ARSA mifirfiakte an nih an ring a, hliam tuar pawh an awm lo tiin a sawi bawk. Hetihlai hian Chin hill Paletwah bialah Myanmar sipai leh Arakan sipaite an inkahnaah laipuite an chelek tan avangin a hmuna mipuite an tlanchhiat thu Thailand a VOA palai Nai Kun Ei chaun a sawi.

Myanmar leh Bangladesh ramri Maungtaw bial Tawng Pue Let Ue hmar lam mile post number BP 41bula kawl policete venbuk chu nimin Nilaithawhtan khan tute tih hriat loh chuan an rawn kap a ni tih Myanmar sorkar thusawitu sipai lal Zaw Min Htun chuan a sawi.

Zinglam dar ruk vel khan  a ni, BP41 bul, Block (2) chhunga kan venbuk chu thlang lam tlang mual chung atang missile in an rawn kap a, tute tih nge kan hre thei hrih lo, an rawn kahna thlang mual hi Maungtaw thlang lam dep a ni a, ARSA mifirfiakte an nih a rinawm ber. Mahse hliam tuar kan awm lo.

Sipai lam pawn a rang thei ang berin kan um zui a, mahse a ruk a rala min rawn kap an ni a, min kah zawh veleh an tlanchhe nghal a, tute tih kan hre lo. Kan inralsai a ni ber e. Thawhleh leh Nilai pawh khan Rakhai helpawl leh Myanmar sipaite chu an inkap tih a sawi bawk. 22 leh 23 pawh khan kan inkap a, mahse mipui hriattir tur kan la neih loh avangin engmah kan sawi hrih lo tiin sipai lal Zaw Min Htun chuan a sawi.

source VOA’

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!