Your Daily News

Assam Tleirawlin A Bialpa Chu A Hmangaih Tak Zet Tih Lantir Nan A Bialpa HIV Positive Thisen A Taksaah A Chiu Lut

0 1,353

Hmangaihna chuan mahni hma a sial lo tih chu he Assam tleirawl hian a lantir chiang viau in a rinawm. He tleirawl hian a bialpa chu a hmangaih tak zet tih lantir nan a taksaah a bialpa HIV Positive thisen a thunlut ngat tih an sawi.

Assam, Suwal Kuchchi thingtlang khua a khawsa tleirawl kum 15 mi chuan Hajo, Satdola lam mi bialpa a nei a, an 2 hian Facebook kaltlangin an intawng tih an sawi.

Social media Facebook kaltlanga a inbiak pawh fo hnu chuan an inngaina chho tial tial a, inbe loin an awm thei hauh lo tih an sawi. Kalinga TV in a tarlan danin, he tleirawl kum 15 mi hian a bialpa HIV Positive thisen a taksaah a chiu luh hma hian, kum 3 chhung zet chu an inngaizawng tawh niin a tarlang a ni.

He hmeichhe tleirawl hian a bialpa HIV Positive chu vawi tama pasalah um a tum tawh a, a chhungten an khapbet zel niin an sawi a, a hmangaihna chu sosang chho zelin a bialpa HIV Positive thisen chu lachhuakin a taksaah a hmangaihzia lantir nan a chiu lut ta a ni.

A chhungten an fanu chetlak dan chu an hriat veleh Police lamah complaint an thehlut nghal a, a bialpa chu Police ten an man zui nghal tih an sawi. Doctors ten he hmeichhe tleirawl hi an enthlithlai mek a ni.

An chanchin chu social media Twitter lamah a darh zui hnuah, mi tam takin he hmeichhe tleirawl chetdan hi mak an tih thu an sawi a, mahni nunna pawh pawisa lova heng ang thil atthlak a ti ta mai chu mak an tih thu an sawi chamchi a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!