Dan phalloh a ruka Cockfighting Event-ah mi 2 chu arpa sualhuai; an kereka chemte tawnbeh chuan a kick hlum niin New India Express chuan a tarlang.
He thil thlenna hmun hi Andra Pradesh, Kakinada hmunah a nih thu an sawi a, he vanduaina thlen hun hi Hindu ho pawimawh tak kût Makan Sankranrti festival lawm laia thleng a ni nghe nghe. He Hindu ho kûtah hian tunhma a an lo tih thin angin dan kalhin arpa huai an sualtir thin a ni.
New India Express in a tarlandanin, Gande Suryapraksha chuan a arpa sualhuai chu a ke ah chemte hriam a dah niin a ziak a, arpa dang nen an insual lai chuan thlirtu mipuiin an chim hneh hle a, arpa rawn zuang thut chuan arpa neitu kum 43 mi Gande chu a nghawngah tak petin chemte chuan nghawng a zaithler a, a hliam a nat em avangin damdawi in lamah an tlanpui ta a ni. Damdawi an thlen chuan a thi a chhuah nasat avangin a boral zui ta a ni.
He kût hman lai vek hian pa pakhat a hming K. Padmaraju tia hriat chu East Godavari district-ah a bânah arpa sualhuaiin a kick ve bawk a, arpa ke a chemte tawnbeh chuan na taka a bân a zaithler avangin thisen chhuak nasa a, thisen tlachhamin a thi ve leh tih New India Express chuan a ziak lang bawk a ni.
