Your Daily News

Arpa Sualhuai In A Neitu A Pethlum

0 1,696

Southern India-ah arsual huai Rooster, a ke a chemte vuah chuan a neitu a pethlum tih hriat a ni. A ar vulh lai hian tlanchhiat a tumna lamah a neitu tilmu ah tak petin, a kea chemte vuah chuan a chhuntlang tih an sawi. Ar neitu hi a thisen a far nasat avangin damdawi in panpui a nih laiin a boral zui ta a ni.

Telengana, Lothunur thingtlang khuaah sawrkar dan kalh zawngin sum inchawiin ar an sualtir thin tih hriat a ni a, he thil thleng kaihhnawihah hian mi 15 vel man an ni a, a pu thattu ar pawh hi farm ah dah a nih hmain Police station lamah hruai a ni nghe nghe.

Police-te sawidanin, he arpa sualhuai hi insual a hun dawn tepah tal chhuah a tum tih sawiin, a neitupa in man a tum laiin a ke a chemte chuan (3 inch) vela thukin a tilah tak a vit zui ta a ni.

Tualchhung Police Officer B Jeevan sawidanin arpa Rooster hi a hnuah finfiahna atan court lamah lak a nih thu a sawi. 1960 atang khan arsualtira pawisawi inchawi ang chi hi danin a lo khap tawh a, thingtlang hmun thenkhatah erawh an la ching reng tho a ni. Kum hmasa pawh khan Andra Pradesh-ah pa pakhat chu a arpa khawi Rooster in a lo kick hlum leh tawh a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!