Your Daily News

Arakan Army ten an rawn kap

0 456

Rakhai state Butitawng hmar lama Myanmar sipaite venbuk 4 chu vawin Independent ni tak maiah Rakhai hel pawlin an rawn sai nghek mai a ni tih thu Myanmar sipai leh Arakan sipai ten an sawi ve ve. Chuveleh Myanmar sipaite pawn rang takin indo thlawhna te nen chung lam leh hnuai lam a tang an phin let chiam a ni tih thu a hmun a awm mi thenkhat ten an sawi chu sipai ten an tawmpui lem lo.

AA ten an rawn kah hi zing dar 4 leh 5 inkar velah a ni a, Myanmar sipaite  pawn rang takin an beilet ve a, an um let hrep a, hliam leh thi chungchang erawh chu tun maiah chuan sawi theih a la ni lo tih thu Buhmu Zaw Min Htun chuan a sawi.Arakan Army lam thusawitu chuan ‘tukin zingah an venbuk kan kap a, hmelma ruang 7 kan chhar a, a nungin 14 kan man a, ralthuam 20 chuang kan laksak a ti ve thung.

Zing dar 7 hnuah chauh khan Myanmar sipaite chuan Helicopter pahnihin an inkahna pawh ni lo Ka thit hla khua chu an rawn kap chiam ringawt an ti bawk. An la indo zel hrih a, an sakhmelah rem thu a leng hrih lo a nih chu.

source ‘VOA’

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!