Hemi thlalak hi AA (Arakan Army) ten training an neih laia mi a ni. Nimin a President office, Nipidaw a sorkar aiawh thusawitu U Zaw Htey tawngkam hian kawlram a keini Rakhaite nunkhawsak hi a tihthaih nasa in ka hmu tiin Rakhai tangrual ULA leh Rakhai sipai AA aiawh thusawitu U Khai Tuh Khah chuan VOA hnenah a sawi.
Tun a Rakhai state chhunga inkah thu-hla ah Myanmar sorkar chuan inremna thu sawiho turin kawng kan hawng reng an tih chungchangah nangni AA in engtinnge in ngaih tih U Khai Tuh Khah an zawhna ah U Tuhkhah chuan ‘Nia remna thu sawi turin khawng kan hawng tih an sawi a, lehlamah chuan kawlram hmar lam leh chhak lamah an sipaite hmalakna chu an chawl renga, mahse thlang lam keiniho awmnaah ve thungah chuan an chawl reng reng lo, thla khat lai a ni tawh, khawi lam President office mahin an rawn khap bawk hek lo, kan inhumhim nan kan chet ve leh khawvel hriatah a letlingin thu an puang vel a’ kawlrama kan khawsak hi min tihthaih a ni, tihthaihtu chu a tul dan ang angin kan bei ve dawn’ a ti.
ARSA leh AA an inberu a, tangrualin venbuk an rawn kap tiin sorkar lama thusawitu chuan a sawi a, a dik em? tih an zawh leh chuan U TuhKhah chuan ‘AA tih hmingchhiat an duh vangin an phuahchawp an sawi a nih chu, eng helpawl nen mah kan inkawp lo, dawn bawk hek lo, keini AA chuan tute nge kan thian?, tute hi nge kan hmelma? tute hi nge misual tih chiang takin ka hre sa, tih chauhvin kan chhang hrih ang che’ a ti.
Sorkar thusawitu chuan ‘AA sum lakluhna chu ruihhlo atangin a ni a tih hi engtinnge in ngaih?’ tih an zawt leh a, U TuhKhah chuan ‘ruihhlo nen hian inkungkaihna pakhat mah kan nei lo, mahse ka sawi theih pakhat chu Rakhai state a ruihhlo an man reng reng hi, neitu an awm, leh awm lo te an ni a, a vaiin kawlram sipai ta vek a ni. Hman ni lawka an Mawngtaw, butitawng a an man ruihhlo pawh kha NLD member ta a ni. Rakhai hnam dik tak kutah ruihhlo man tur a awm lova, heti em em a ruihhlo Rakhai State a a rawn lut thei reng reng hi a rawn kalna kawnga thuneitu ber kawlram sipaiten an hrechiang viau zawk ang’ tiin a chhang leh a ni.
‘AA/ Arakan sipaite hi mi engzatnge in nih? Rakhai mipuiten engchennge an thlawp theih che u a’ tia an zawh chuan U TuhKhah chuan ‘kan sipai neih zat chu keimahni pual thil a nih avangin ka hrilh thei lo che, AA hi Rakhai hnam tan leh tulna zawna din a nih vang hian Rakhai hnam tawh phawt chuan min thlawp vek’ tiin a chhang. chhunzawm tur….
source ‘VOA’
