Your Daily News

An Kawngpui Chhiatzia Lantir Nan Leh Sawrkar Thuneitute Mit Lak Nan An Hmeichhiaten Fing Takin Tiang Hian An Ti

0 1,106

Pawl hrang hrangten sawrkar thuneitute hnenah kan lungawi lohzia lantirin, chawnghei in emaw, a nih loh leh kawngzawhin emaw mipui pungkhawmin kan thil ngiatte a hlawhtlin ngei theih nan theih tawp kan chhuah thin a ni.

Madhya Pradesh a Bhopal hmeichhiate chuan an fing tak maiin, an state chhunga motor kawngpui chhiatzia leh ngaihthah a nih si zia lantir nan kawngpui berh laiah fashion show neiin an catwalk zak zak tih hriat a ni. He an thil tih hian sawrkar beng thleng se tih an duh a, thuneituten an mit ngeiin an kawngpuite chu lo hmu se tih chu an duhthusam ber a ni.

India Today in a tarlan danin, hmeichhiate chu motor kawngpui chhiatna laiahte an inhawrkhawma, sawrkar thuneituten an kawngpui chhia chu lo hmu ngei se tih an duh avangin, kawnga tuitlinna laiahte chuan an catwalk vel a ni.

Bhopal hmeichhia pungkhawmte hian sawrkar thuneitute hnenah an kawngpui chhe mek chu municipal corporation kutah hlan se tih an duhthu an tarlang a, an thil ngiatte chu a hlawhtling lo a nih chuan property tax an pe dawn tawh lo tih an tarlang bawk a ni.

Hmeichhia kawngzawhte zinga pakhat sawidanin, an state chhunga kawngpui chhe lutuk chu vawi duailo thuneitute hnenah an thlen tawh nachungin, vawiin ni thlengin chhanna an la hmulo a ti a ni. Kawngpui thalo avang hian motor chetsualna a tam phaha, a rang lama hmalak a nih ngei theih nan tiang hian sawrkar thuneitute chu an kar ta a ni a ti.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!