Uttar Pradesh, Muzaffarnagar-ah tualthahna rapthlak tak mai a thleng tih hriat niin, silaia kaphlum tak vanduaina tawktu chuan an kahhlum lai video chu phone camera in a lo la hlauh tih an sawi.
Social media lamah he tualthahna hi a darh chiam tih hriat niin, a video ah hian mipa 2-te chu titi pahin zu an in a, a pathumna chuan video a lo siam thung a ni. Pa pakhat zawk chuan silai tualchher phawrhin a thianpa hnenah a pe a, silai mu chu thun nghalin leh invau lawkna pawh awm hauh loin video lo la mektu chu a kap zui ta a ni.
Video lo siam mektu hi kum 19 a upa Prince tia koh niin, silai hmetpuaktu unaupa fapa a nih thu tualchhung media lam chuan an tarlang. Silai a rik veleh a phone chu leiah a thlauh nghal a, video pawh a tawp zui ve nghal a ni.
Muzaffarnagar Police-te sawidanin, pa pakhat zawk chu man a nih tawh thu tarlangin, a thianpa pawh zawn mek a ni tih an sawi. An mi man hmasak zawk hi silai hmetpuaktu a ni em tih chu an tarlang lo thung. (VIDEO)
मुजफ्फरनगर : दारू पार्टी के दौरान चली गोली में हुई छात्र की मौत, पूरी घटना कैमरे में कैद@Uppolice @divaspandeynews @swetatripathi14 @AtulKum79470604 @Times7news22 pic.twitter.com/f7hmPdlE1k
— संवाददाता पंकज दुबे (@pankajdubey109) February 27, 2021
