Your Daily News

An Fate Nunna La Let Leh Turin Theihna Chungchuang An Nei Tih Ringnghet Tlatin, An Fanute 2 Thatin Inthawi Nan An Hlan

0 661

Andra Pradesh, Madanapalle khawpuiah January 24 Chawlhni zan, zan tlai tawh lamah nupa tuakte chuan an fanute 2 chu rawng takin an tihlum tih an sawi. Nupa tuak V Padmaja leh V Purushotham-te chuan an fate thi tawh chu tinung leh turin thiltihtheihna sang tak an nei tih an ring tlat a ni.

Police-te hnenah an sawidanin, nupa tuakte hian an fanute 2, Alekya kum 27 mi leh Sai Divya kum 22 mite chu pathian hnen atanga thu an dawn angin inthawina atan an hlan ta mai a ni tih an sawi. An fanu upa zawk Alekya hi Indian Institute of Forest Management zirlai a nia, a naupang zawk Divya hi BBA zir mek a nih thu The News Minute chuan a tarlang bawk.

Nupa tuakte hian an fanute 2 chu Dumbell hmangin an vawhlum a, zan tlai tawh lamah an chenna inah Police-te an va thlen chuan, an hnenah “Khawvar thleng min nghak ula, kan fate nunna chu kan la let leh dawn a ni” tiin Police-te an lo ngen nghe nghe.

Times of India in a tarlan danin, nupa tuakten an fanute an sawisak lai hian an au ri pawh an hriat thu an sawi a, an chenna inah hian sakhaw serh leh sang kaihhnawih thil tam tak hmuh anih thu pawh Police Officers-te chuan an sawilang bawk a ni.

Nupa tuakte hi Police-ten an la nghal a, an khawsak dan leh an chetdan kimchang an chhui zui mek tih thuneitute chuan an sawi. An chungchang ngaihtuah tur hian hun tlem an la mamawh tur thu pawh an sawi tel bawk a ni. (Ref: The Sun)

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!