AIZAWL DISTRICT VOLLEYBALL ASSOCIATION (ADVA) WINTER TOURNAMENT ROPUI TAKA KHELH ZAWH ANI TA
Vawiin dt 17/12/2012: (Inrinni) December ni 16, 2017 khan AIZAWL DISTRICT VOLLEYBALL ASSOCIATION (ADVA) buatsaih Tournament ropui tak Winter Tournament chu khel zawh a ni a, he tournament ah hian Team 14, Mipa Team 6 leh hmeichhia team 8 te an tela hmeichhe final ah hian Chawnpui leh Bethlem vengthlang in tumin, mipa final ah hian Armed Veng South leh ITI veng te an in tum a ni.
Khuallianah Pu VANLALRUATA (Maruata) Secretary, MPCC Bungkawn Vengthar niin, Khuallian hian thusawina hun nei a, ADVA in hetianga thalaite tuihalna hre reng a, tournament ropui tak an siam thei chu lawmawm a tiin, boruak nuam tak hnuaia final thlenga game khelh theihna petu Pathian hnenah lawmthu a sawi a, sport hi thalaiten nun kawng dik an zawh theihna tura hmanraw pawimawh tak ani a, infiammite chu ruihhlo zuk leh hmuamah inthlahdah lo turin a chah a ni.
Pu Maruata chuan kan Sawrkarin Thalaite tan Infiamna angai pawimawh hle a ni tiin, Mizoram Chief Minister zahawm tak Pu Lal Thanhawla leh Sport Minister Pu Zodintluanga te a ngaihna hria leh viak tha tak kan neih avangin Mizoram hmun hrang hrangah Sawrkarin sports Infrustructure tha tak tak min siam sak a, Tuikual vengah pawh Volleyball Indoor Stadium siam niin tunah hman theihin a awm thu a sawi a, kan Sawrkar kal lai mekin games and sport a thalaite hmakhua a ngaih em avangin national level games ah pawh kan thalaite hming a ri ta fova, chhungkua chawm a, eizawnna atana hmang an awm nual tawh avangin a lawmpui thu a sawi a, thalaite khawvelah kan Sawrkar dinglai hi innghahna tlak a ni hle ani a ti.
Khuallian Pu Maruata chuan Tournament thlengtu Veng Maubawk chu Volleyball in pui tak meuh meuh a nih thu sawiin, Volleyball ngaina leh chawi nung ngar ngar thin vengah tournament nghah a ni hi a awm reng ani a ti….. ADVA Winter Tournament 2017 ah hian Hmeichhia team ah Bethlehem vengthlang volleyball club in 3 – 1 a Chawnpui veng Volley ball club hnehin an Champion a. Mipa teamah ITI veng volleyball club in 3 – 2 a Armed Veng South Volleyball Club hnehin an Champion a ni.