Your Daily News

Actor Shah Rukh Khan Fapa Aryan Khan A Talbuai Chho Mek, Bail A Chhuah A Dilna Mumbai Court In A Hnawl Zui!

0 1,295

SRK fapa duat Aryan Khan-a’n damdawi ruihtheih thubuai kaihhnawiha man a nih hnua bail a chhuah a dilna chu Mumbai Court chuan a hnawlsak tih hriat a ni.

October 20, 2021 (Wed) khan Aryan Khan, Munmun Dhamencha leh Arbaaz Merchant-te chuan bail a chhuah dilna application court ah an thehlut a, an dilna hi Mumbai’s Special Narcotics Drugs and Psychotropic Substance (NDPS) court chuan a hnawl zui ta a ni.

NCB team te chuan October 2 khan Aryan Khan leh a thurualpui mi 2 te chu Cordelia Cruise ship ah Goa pana an zin tumin damdawi ruitheih nen party an buatsaih lai an phawk a, damdawi hralh leh khawih kawngah an inhnamhnawih ngei tih finfiah a nih hnuah an man zui ta hlawm a ni.

Aryan Khan leh a thiante 2 te chu NDPS act Section 8(c), 20(b), 27, 28, 29 leh 35 hnuaiah thubuai siamsak an nia, Aryan Khan leh Marchant te hi Arthur Road tan in Mumbai ah dah an nia, an thianpa Dhamecha erawh Byculla Women’s Prison ah dah a ni thung.

NCB thuchhuah in a tarlan danin, Aryan Khan chuan kum engemaw zat kal ta atang khan damdawi ruihtheih a khawih tawh tih an tarlang a, hei bakah hian khawvel ramdang damdawi zuar rutute nen pawh an inbepawp reng tih an sawi a ni. Heng a chetdan leh a thil tihte avang hian bail a chhuah a dilna chu an hnawlsak ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!