Accident Avanga Kum 5 Chuang Zeng Tawh Chu Virus Hridanna A Lak Hnuah Kein A Kal Leh Thei!
2017 kuma Car accident avanga ke zeng kal thei tawh lo leh tawng lama harsatna nei India pa chuan Covid-19 hridanna avanga a kal theih tawh bakah tawng lamah pawh harsatna a neih tawh loh thu a sawi. A sawidanin, virus hridanna a lak atanga darkar 1 awrh a liam hnuah a taksa chuan ngai a awh leh a ti a ni.
Dularchand Munda kum 55 mi chu 2017 kumah car a khalh laiin tawhsual a tawk palh hlauh mai a, a kawngruh a herh chhiat avangin kum 5 chhung zet kal theiloin khumbetin hun a hmang a, mak tak maiin virus hridanna a lak hnuah a damchhuak leh tih The Mirror chuan a tarlang a, hridanna a lak atanga darkar khat liam hnu velah a ke chu hmang leh theiin a tawngchhuak leh thei a ni.
NDTV pawhin Mr. Munda chanchin hi tarlangin, kum 5 chhung zet tawng thei lova a awm bakah a kut leh ke te chu a hmang thei lo a ni. Mahse, hridanna a lak hnuah a chungah thil mak thleng zuiin ke in a kal thei tih a tarlang a ni.
India, Salgadih a khawsa Dularchand chuan, “January 4 khan virus hridanna ka la a, vanneihthlak tak maiin ka ke zeng tawh chu ka tihchet theih bakah ka tawngchhuak thei tawh a ni” tiin mite hriatah a chunga thilmak thleng chungchang chu a sawichhuak a ni.
“He thil thleng han hmuh meuh chuan thil mak tak zawng a ni. Scientist-ten a hrilhfiah a tul hial zawk ang” tih Dr Jitendra Kumar chuan a sawilang nghe nghe.
