1) Hetiang hi chu kan pawm thei lo: AA ten paletwah hi Rakhai bial chhunga awm a ni an rawn tih chungchangah Paletwah leh a chhehvela cheng Khumi chin unaute chu an lawm lo hle tih a ni. Paletwah biala Khumi chinhote chenna Outpalai khaw kiang velah AA ho hi a chetla a Myanmar sipaite nena an inkahna pawh heng lai velah hian a ni an ti.
Heng an inkahna bul vela khuate hi Khumi chinho awmna a nih bakah AA thenkhat chu khawchhungah lutin an indona kan zawh hunah he Paletwah bial hi chu Rakhai stateah kan khung dawn tiin an sawi kher tih a ni.
Rakhai sipai pawl AA te hian federal state, mahni a insorkar hi Myanmar sorkar laka an beisei mi chu a ni. Hetianga AA sipaiin thu an sawi an hriat atangin Khumi chinte chuan January 24 khan thuchhuah an siam a, ‘Paletwah hi ram hrang leh tawng dang, hnam dan neia khawsa kan nih avangin engtikawng pawhin Rakhai bial a ni thei lo tih Khumi party palai Daw Uihuilu chuan a puang.
Paletwah biala Rakhai khaw mipuite chu indona avang hian khawpumin an tlanchhuak vek a, athente erawh chu an chhung leh kuate awmna lamah an bibo vek a ni a ti.
source ‘BBC’
