Your Daily News

A Thiante Nen A Piancham Hun Hlimawm Tak An Hman Laiin Thawklehkhatah A Chungah Vanduaina A Thleng Thut!

0 4,792

Mimal bik tana hun hlimawm leh hun nuam ber pakhat chu mahni pianchamphaphak (Birthday) hun hi a ni. Kan birthday hun a lo thlenin thianthate nen zai leh lamte pawhin hun kan hmang thin a ni.

Maharashtra, Ambernath, Buva Pada area-ah kum 21 a upa Rahul Maurya chu a thiante nen a birthday an lawm laiin sathau khawnvar an chhit chuan a hmai a kangkai palh tih an sawi.

Birthday lawmna candle alh laiah tak chuan a thianten Wheat Flour leh artui an theh a, chu chuan vawilehkhatah meialh hlawm siamin a hmaiah tak candle alh chuan meialh hlawm a phuh chho a, a hmai chu kang zuiin hliam a tawrh phah ta a ni.

Hindustan Times in a tarlan danin he vanduaina thlen hun hi Thawhlehni zan, April 12 kha niin, thiantha thenkhatte chuan an thianpa Maurya piancham lawm turin ruahmanna an siam tih hriat a ni. An ruahmanna chu an thianpa Maurya tan a damchhung zawnga nawhreh theih tawh loh tur pan ser chu a hmaiah an hnutchhiahsak a ni ta ber.

Maurya birthday an lawm lai video clip chu social media lamah a darh nasa a, he thil duhawm lo tak hi Police ten an hriat veleh rang takin thil thlendan kimchang an chhui zui nghal tih hriat a ni. A lainatawm hle mai.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!