Your Daily News

A Pawisa Ruk Tam Tham Tak A Hmuh Hnuah A Lung Lam Hnathawh Buaiin Damdawi Inah Dah Luh A Ni

0 469

Uttar Pradesh, Bijnor-ah rukru pakhat Ajaj chu a pawisa ruk tam tham tak a hmuh hnuah lung lam buaiin Damdawi inah an dah lut tih hriat a ni.

Tianga a awmna chhan ber pawh a thianpa Nashaud nenn an sum ruk chu an han belchianga, an rin aiin a lo tam sia an lawm lutuk leh a hlim lutuk chu Ajaj lung lam hnathawh a buai phah der tih an sawi. Tianga a dinhmun a lo nih tak avang hian a sum ruk tam tak chu a inenkawlnan a hmang ral nghal a ni. He rukru hian stroke a neih bakah a lunglam hnathawh chu a pangngai thei lo a ni.

Hemite 2 rukru chanchin nuihzatthlak ang reng tak an hriatchhuah dan chu February thla liam taa rukruk thubuai kaihhnawihah Nilaini khan mi 2 an mana, zawhna an han inzawt chho zela an mahni ngei an ni tih an hrechhuak ta a ni.

Bijnor Superentendant of Police Dharam Veer Singh sawidanin, February 15 leh 16 khan rukru 2 Ajaj leh a thianpa chu public service centre buildingah an lut a, he building hi Nawab Haider ta a nih thu a sawi. Haider chuan an building atangin Nuai 7 a bo thu Police hnenah Complaint a theh lut a, an chhui chian hnuan Nilaini khan hemite 2 hi an man chhuak ta a ni.

Rukru 2 te hian Police-te hnenah an sum ruk chu an rin aiin tam an tia, an lawm lutuk chu an taksain a tawrh phah tih an sawi a ni. An sum rukte hi inzat ve ve in an insem tih an sawi a ni. An chungchang ngaihtuah mek a nih thu thuneitute chuan an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!