Your Daily News

A Pasalin Bathroom-ah Kum 1 Chuang Zet A Lo Kalhnan Hnuah An Chhanchhuak

0 1,728

India ram chu kan hriat tawh angin hmeichhiaten kawng tam takah harsatna an tawka, pasal an neih hnu thleng pawhin an pasalte hnen atangin tihduhdak leh nghaisak an ni leh zel a ni.

Rishpur khuaah nu pakhat chu a pasalin kum 1 chuang lai mai inbualna room-ah a lo kalhhnana, hun rei tak chhung chu hreawm takin a lo nghaisa thin tih an sawi.

Women Protection and Child Marriage Prohibition Officer Rajni Gupta leh a team-te chuan an thudawn bawhzuiin he hmeichhe lainatawm tak mai, a pasalin a lo tihduhdah thin chu an chhanchhuak tih Wednesday khan ANI news a hrilh.

“Hmeichhia inbual roomah hun rei tak chhung hren a ni tih thu kan dawn bawhzuiin he hmeichhe khawngaihthlak tak hi a pasal tihbaiawm tak lak ata kan chhan chhuak thei ta a ni. A landan ah chuan he nu hian hun rei tak chhung chaw leh thildang engmah a ei lo” tih a sawi a ni.

A pasal chhungten he hmeichhia an chhanchhuah tak hi rilru lam fello niin an sawia mahse, he thil hi dawt mai a nih an rinthu leh an puhna chu thudik ngei a ni tih nemnghetna a awm lo tih Gupta chuan a tarlang bawk.

Tianga an chhanchhuah hnu hian a lute suksakin police station lamah thubuai an thehlut nghal a ni. An hmeichhe chhanchhuah hi a chau chhe hle a, amahin a thut that theih loh bakah a hmel en mai pawhin a chau hle tih a hriat theih a ni.

A nupui chunga zahngaihna neilo misual chu dan anga hremna pek ngei an phu thu pawh officer chuan a sawilang bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!