Your Daily News

A Nupui Lakah A Lukawlh A Lo Thukru Fo Thina, A Nupuiin A Hriatchhuah Meuh Chuan Thubuai A Thehlut Zui

0 343

India ram, Mumbai khawpuia cheng nula leh tlangval-te chu inhmangaih takin an inneia, an inneihna a la reiloh teh lul nen thubuai an nei nghal tih an sawi.

A pasal kum 29 mi chu chhip kawlh niin sam lem hmangin a lukawlh chu a lo thupbo thin a ni. A nupui hnenah pawh a lu kawlh thu chu a sawi ngai meuh lo tih an sawi. An inneih hnuah a nupui kum 27 mi chuan a pasal lukawlh thu chu a hre ve chauh a, a pasalin a lukawlh a thupbo avangin a bum a ni tih sawiin, Naya Nagar Police Station lamah thubuai a theh lut zui ta a ni.

A pasal chhungte hnenah eng vanga a pasal tur lukawlh thu chu a hma khan hrilh lo nge an nih tiin, he thil hi inbumna dik tak a ni tiin thubuai a thehlut ta nghal a ni.

He hmeichhe kum 27 a upa hian a pasal lukawlh thu chu a hma khan lo hria se pasal atana a nei hauh lo ang a ti zui bawk. A pasal leh a chhungte chu bumna hmanga nupui zawngah puh an nih avangin thubuai awrhtir an nia, police-ten an man ta hlawm ani. An thubuai chu Court lamah buaipui mek a ni tih thuneitute chuan an tarlang bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!