Your Daily News

A Nupui Hnenah COVID-19 A Kaia A Damchhuak Dawn Lo Tih Phone-a Hrilhin A Bialnu Nen Hmundangah An Tlânru

0 954

Patling pakhat chuan a nupui leh fate hnenah COVID-19 a positive nia insawia, a damrei dawn lo tia dawt hmanga a chhungte a bum hnuah a bialnu thar nen Navi Mumbai atangin hmundangah an tlânru tih hriat a ni.

Police thuchhuahin a tarlan danin Navi Mumbai, JNPT supervisor hna thawk lai chuan June 24 khan a nupui chu phone-a biain Coronavirus a vei tih a hrilha, a damrei dawn lo tih sawiin a phone chu a dah ta nghal a ni.

A tukah pawh a rawn haw tak loh avangin pa ber chu a bo thu police-te hnenah a chhungten an hriattir nghala, Mishra chu an zawng ta nghal a ni.

Police-te chuan CCTV hlimthla atangin an chhui ta nghala, a awmna hmun tawp ber nia an rin chu Vashi hmun a nih thu an sawia, beidawng mai loin an zawng chhunzawm ta zel a ni.

Inspector Sanjay Dhumal sawidanin Mishra leh a bialnu zawng chhuak tur hian team an din tih sawiin vanneihthlak takin a bialnu nen Indore hmunah an nangching ta tih a sawi a ni.

Tunah hian Navi Mumbai ah Mishra chu lo letpui tawh niin a chungchang an ngaihtuah mek tih an sawi a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!