Your Daily News

A Nupui Car-ah Thuttirin Chabi A Kalsana, Rukru 2 In A Car Bakah A Nupui An Tlanbopui

0 620

Punjab, Dera Bassi-ah rukru mi 2-ten car an ru tih hriat a ni. Car an ruk mai bakah a neitu nupui car chhunga thu, a pasal pawn lama lo nghaktu chu an tlanchhiatpui bawk.

He thil duhawm lo tak hi Dera Bassi, Sukhmani School bulah Ningani khan a thleng tih an sawi a, car neitupa hi sikul inchhunga a luh lawk laiin a car chabi chu phawi loin motor ah a kalsan a ni.

Car neitupa Rajeev Chand leh a nupui Ritu-te chu Ningani tlailam dar 1pm velah an fate school fee pe turin an chhuak a, Rajeev Chand chu School in ah lutin a nupui chuan car chhungah a lo nghak a ni. Hetih lai hian a chabi pawh phawi loin motor ah a kalsan zui a ni.

An car hi Chandigarh-Ambala kawngpui ah an park a, vawilehkhatah mi 2 car ah lutin pakhat chu driver seat ah a thu a, a thianpa erawh a hnunglamah a thu thung. Car a lo thu Rajeev nupui chu a ka an hupbet a motor chu khalh pheiin an tlanchhe zui ta a ni.

Rukru 2 leh Ritu-te chu 5km vel an tlan tihah an kalkawng thlakin Ritu chu car atangin an namthla a, chak fahranin an tlan leh ta a ni. A hnuah Ritu chuan a pasal chu a phone tlang thei ta hram tih an sawi.

Dera Bassi Police-te chuan pawikhawihtu rukru 2 te hi an zawng nghal tih sawiin, Toll Plaza CCTV sulhnu atangin zirchian an tum mek a ni. Vanneihthlak takin Rajeev nupui chuan misual kut a tuar lo hlauh a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!