Your Daily News

A Nu Kum 105 A Upa Pension Sum La Chhuak Turin 4KM A Hla Paw Chungin A Kalpuia, An Hlawhchham Thung

0 3,058

India ram chu Covid-19 avangin hnathawh tur a vang hle a, mi tam tak an buaiin an mang ang hle a ni. Garhwa district, Kanchanpur thingtlang khuaa khawsa patling pakhat kum 60 a upa chu nitin eichawp zawnga inhlawhfa thin a nia, hna thawkin a ṭul thin hle a ni.

A nu Jan Dhan kum 105 mi chuan a pension sum tlemte lak tur a neia, thla 1 ah Rs.500 niin thla 3 ah chuan Rs.1,500 a tling a ni. A nu chu a kum a upa tawh sia mahnia kal thei a nih loh avangin a fapa chuan a puaa Bank panin a kalpui ta a ni.

An khua Kanchanpur atangin Ranka khuaah pawisa la chhuak turin 4km zet a hla an kal a, a hmun an thlen chuan Covid-19 test an paltlang loh avangin Bank chhungah luh an phalsak ta lo a ni.

Covid-19 hrilen mek lai a nih avangin khawiah pawh kal ila Covid-19 negative lehkha neih loh chuan khawih hmunah pawh harsatna a tam thin hle a ni.

Covid-19 natna miin a veilo tih fiahna lehkha a awm chauhin Bank-ah luh phalsak an ni. Mahse, Jan Dhan-te nufa chu sum tlemte, an tana tangkai tak tur ni si chu la thei loin an khawlamah an let leh ta a ni.

An nufatê a kawnga an kal lai chu mi thenkhatten video lo lain Online lamah an thehdarh ta chiama Chief Minister Hemant Soren beng hial thlengin an mahni puihna pe turin DCG pawlte a tir tih an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!