Your Daily News

A khabe Hmul A Zuah Sei Avangin A Hna Atanga Ban A Ni

0 351

Uttar Pradesh, Police Sub-Inspector hna chelh lai Intesar Ali chu phalna nei lova a khabe hmul a zuah sei avangin a hna atanga ban a ni tih an sawi.

Ali hi a hmain a khabe hmul ziatfai turin vawi 3 hrilh a nih bakah phalna a lak hmasak zet hnuah a khabe hmul chu zuah chauh tura tih a nia mahse, he thupek hi ngai pawimawh loin a tilui ta zel a ni.

SP Baghpat Abhisek Singh sawidanin police danah chuan Sikh ho chauh hmuihmul zuah phalsak an nia, an ni tih loh midang zawng chu an hmul an metfai han tur a ni tih a sawi.

SP chuan “Tu pawh khabe hmul a zuah dawn a nih chuan phalna a la hmasa ngei tur a nia, Intesar Ali pawh dan a zawm loh avangin a ban a ni” tih a sawi lang.

Ali hi Muslim sakhaw zuitu niin kum 3 liam ta atang khan Police Sub-Inspector hna hi a zawma, reporter-te hnenah a sawi danin phalna a dil thina, chhanna a hmu ngai lo niin a sawi ve thung.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!