Your Daily News

A Kawchhunga Ramhuai Thlarau Sual Hnawhchhuak Tur Anga Insawiin A Lo Pawngsual

0 773

India ramah pa pakhat chu hmeichhe kawchhunga ramhuai hnawhchhuak tur anga a insawi laiin a lo pawngsual hlauh tih hriat a ni. Rahul Prajapati tia koh, thlarau lama parawn chu nu pakhat kawchhunga ramhuai lut hnawhchhuak turin a hmeichhe chhungten phalna an pek hnuaah, an inchhung pindan rilah luhtirin an fanu a pawngsual tih an sawi.

A chhungte sawidanin an fanu chu a damsam loh avangin June 7, 2018 khan thlarau lama an innghahna Rahul Prajapati chu kohin an fanu awmdan chu an enfiahtir ta a ni.

Prajapati chuan a kawchhungah ramhuai sual thlarau a lut tih sawiin a hnawhchhuah hna chu room pilril lamah amahin a thawk zui ta a, tianga a tih dawn hian a chhungte phalna a la hmasa nghe nghe. An hmuhlohna hmunah a hmeichhe enkawl lai chu zan dar 8:00pm velah a pawngsual zui ta a ni.

Thuneituten a chungchang hun rei tak an ngaihtuah hnuin November 10, 2020 (Tuesday) khan Uttar Pradesh tân inah damchhunga tang turin hremna pek a ni tih an sawi.

Thawhlehni khan Additional District and Session (SC-ST) Judge Jagdish Kumar chuan Dalit hmeichhia pawngsualtu Rahul Prajapati chu damchhung tang turin thutlukna a siamsak tih an sawi. Hei bakah hian Court chuan Rs.10,000 chawi turin a ti bawk.

Heng ang ramhuai hnawhchhuahna ang chi hi India ramah pawh damlohna neite bakah rilru lama buaina neite an awm chuan an kawchhunga thlarau sual umbo nan an lo ti fo tawh thin a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!