Your Daily News

A Fapa Thi Tawh Ruang Hmuh Zawh Loh Chu Hringtu Pa’n A Thlarau Koh Haw A Tum

0 603

Midang ruang tam tak hmuh a nih laiin a fapa ruang hi hmuh a ni tlat lova hringtu nu leh pa tan chuan a lungchhiatthlak leh zual ngawt ang le. Kan hriat tawh angin hmanni lawk khan Myanmar kachin ram, lunghlu laihna Phakan ah lei a min a, mi 100 chuang ruang an haichhuak a ni. Thi zawng zawng hi 150 atanga 200 vel niin an sawia ruang hmuh zawh loh pawh an la nei nual.

Heng chhiat tawkte zingah hian Kalaymyo atang a kal tlangval pakhat a tel ve a, a ruang hi tun thleng an la hmu lo. Buddish sakhua an nih angin hringtu pa chuan inthawina kengin a fapa thihna hmun lunghlu laihna ah kalin a fapa thlarau chu an in a rawn haw turin a ko a ni. Kawl an ni a, an rinna kan va hriat sak bawk si lova a thlarau hi a haw ta tih thu erawh hriat tur a la awm lo.

A pa thil tih danah nuihzattu an tam hlea chutih laiin khawngaihtu, lainattu an tam mah zawk. A fapa thlarau koh haw a tum hi nuihzatthlak deuh pawh lo ni se, keimahni chanah indah ve ta ila a rilru natthlak dawn a sin. Fapa a chan tawha a ruang em pawh hmuh a la ni lo leh zel hi a lainatawm em em na chu a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!