Your Daily News

A Fapa Intihhlumna Rapthlak Tak Phena Thil Inthup Chu Kum 1 Liam Hnuah A Thuziak A Hnutchhiat Atangin Hrechhuak!

0 1,588

Gujarat hmeichhe pakhat Leela Jadhav chuan a fapa kum 42 mi thihna phenna thil inthup rapthlak chu, kum 1 liam hnuah a hrechhuak ve chauh tih a sawi.

A fapa Madhav kum 42 mi chu April 9, 2020 khan Narmada Canal-ah mahni intihhlumin a nunna a inla tih hriat a nia, a ruang chu a tukah April 10 ah Narmada lui atang chuan an lachhuak tih TOI chuan a tarlang. A fapa intihhlumna chhan dik tak chu a nu ngei pawhin a hre mai lova, police-te pawhin chhui ngaihna an chuang lo ani.

Hun a lo ral zel a, a fapa intihhlumna chhan chu hriat duh hle mahse, chhui ngaihna a awm ta chuang lo a ni ber. Vanneihthlak takin, nikhat chu Thawmhnaw dahna bawm a tihfai laiin a fapa thuziak chu bedsheet hnuaiah a hai chhuak ta hlawl mai a. He thuziak hi Madhav’an a nunna a lak hma April 8, 2020 a ziah ngei niin, a intihhlumna chhan leh thil awmdan chu fiah takin he thuziak hian a rawn hailang ta a ni.

Madhav’an thuziak a hnutchhiah atang a lan danin, a nupui leh a ngaihzawng chu a hmaah mipathmeichhiatna an hmang dun thin tih sawiin, amah chu mipathmeichhiatna lamah a chak loh avangin fiamthu thawh nan leh nuihzatburah an hmang zui tih a tarlang. Vanduaithlak takin Madhav hi a zahmawh a tho thei lova, a nupui neih hnuah pawh a nupui nen harsatna an tawk chho tih an sawi.

Narmada Canal, Madhav intihhlumna

Nupa nunah a chak loh avang chuan a nupui beidawngin, mipa dang a kawpsana, an chenna inah koh lutin a pasal hmuh lai ngeiin an mudun thin a ni. Madhav chuan a nupui leh a ngaihzawng chu inkawp tawh lo tura a ngen chung pawhin, engah mah an ngai lova, an inkawp zui ta zel a ni. Tianga rilru hah leh hreawm taka hun a hman chhoh tak avang chuan ama nunna lak mai chu a thlang ta zawk tih a thuziak ah chuan a ziak lang a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!