Your Daily News

A Fanu Kum 17 Mi Chu A Thah Hnuah Alu Kengin Thana Lam A Pan

0 806

Uttar Pradesh, Hardoi hmuna khawsa pa pakhat chuan a fanu thatin a lu nen Police Station lam a pan tih hriat ani. A fanu hian a pa duhloh zawng tak mipa a kawp niin an sawi.

Times Now News in a tarlan danin, tualthattu hian a fanu lubung rapthlak zet chu ngawi rengin a khaia kawngpui a zawh tih a tarlang. An chenna in atangin 2km vel a hla thana lam panin thuneitute hnenah a va inpe zui tih an sawi a ni. He thil thleng hian mite a barakhaihin an ralti hle a ni.

Tualthattu Sarvesh Kumar chuan a fanu tihhlum nan hian hreipui a hmanga, a fanu chu inah amah chauhin room-ah a kalhhnana, hreipui hriam zetin a nghawngah a bung tih tim hauh loin Police hmaah a inpuang a ni.

BBC in a report danin, a fanu thatna tana a hman hreipui leh a fanu thi tawh ruang chu inah a kalsan tih a sawi a ni. Kumar-te chhungkua hi thlaihnah hralha eizawng thin an ni a, a fanu in tlangval a kawp mek chu a duh loh avangin tiang hian a che zui ta a ni.

Kumar fanu thihnaah hian Police hnathawk pakhat pawh mithi lu a khawihdanah fello taka a chet avangin ban a nih thu an sawilang bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!