Your Daily News

A Pa Leh A Farnu Na Takin Kut A Thlak

0 1,273

Myanmar, Mandalay a khawsa kum 29 mi chuan a pa leh a nau hmeichhia chu na takin kut a thlaka damdawi in hian panpui an ni. An fapa hi hna pawh thawk tha peih lo, a duh duh huna rawn haw thin a ni a, damdawi leh zu a khawih nasa hle. Tukkhat chu a nau hmeichhia nen an inhaua a thinrim chuan a sawisa ta mai a ni. Sawisak hlum a tum ni awm takin a nau chu a sawisa chhunzawm zela a pa chuan tap, au ri a hriat rualin a va tlan nghala a pa pawh chu a lo sawisa ve nghal a ni.

A pa leh a farnu chu thingfakin an lu ah a vua a thisen tam tak a chhuak. A farnu phei chu thisen a hloh nasat em avangin nikhaw hre lovin a awm hiala an pafain damdawi in panpui nghal an ni a, an ngaihtuahawm lo niin Doctor chuan a sawi. An fapa hi a tlanbo nghala police in an zawng mek. Kawl ho hian an nu leh pa te an zah thin hlea an hmaah kunin chibai an buk thin. A then erawh chuan an nu leh pa te zahna chhetemah an nei lova an thinrim, lungawi loh deuh chuan kut hian an thlak thin.

Khawi hmunah pawh misual chu an awma a bikin myanmar ram chhunga misual tam zualna bera an sawi chu Mandalay (khawpui ber pahnihna) a ni a, chhun ni eng ah pawh rukru an awm reng. Nu leh pa meuh kutthlak ngam mihring chu damdawi leh zu a khawih nasa tawh hle ti ila a sual tam lovang. A chhan chu an nu leh pa te aiin a ngawl an vei mek damdawi kha an hmangaih zawk a.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!