Your Daily News

A Chhungten A Pasal Tur An Duhpui Loh Avanga Chhungkaw Member 7 Thattu Chu Thi Tura A Chungthu Rel A Ni

0 932

India ram chu kan hriat tawh angin nupui pasal inneihna/ inzawn chungchangah nula leh tlangvalten an duhdanin thutlukna an siam ngawt thei lova, an nun pawh a chep ang reng hle. Mi tam takin mahni intihhlum duhna thinlung hial an neih phah thin a ni.

Uttar Pradesh thingtlang khaw pakhata khawsa Shabnam Ali Kum 38 a upa chuan an chhungkaw member mi 7 ngawt mai a thah avangin thi tura a chungthu rel a ni. India ram in zalenna a hmuh hnu 1947 hnuah hmeichhe kaihhlum hmasakber a ni dawn a ni. Shabnam hian a nu leh pa bakah a unaupate 2 leh an chhungkhat hnaivaite telin mi 7 lai mai chu a hrairuih hnuah chemtein an nghawng ah an zai chhum hlawm a ni.

Shabnam Ali hi University graduate, double MA a nia, kuthnathawk tlangval nen an inzui thu a chhungten an hriat chuan an duh lo hle a, pasal atan phei chuan neih an remti lo bur a ni. A bialpa chu a hmangaih em avang leh kawngdang duhthlan tur a hriat si loh avangin 2008 kum khan an chenna, Amroha ah a chhungte dahbo dan kawng a dap zui ta a ni.

A nu leh pa tiamin chhungkhat laina mi 7 lai mai thattu Shabnam Ali kum 38 mi chu man a nih hnuah thiamloh chantir niin thi tura hremna pek a ni. Shabnam Ali chuan a chhungte hi a thah hnuah an taksa a chansawm vek tih tualchhung media lam chuan an tarlang.

Times of India in a tarlan danin Mathura district jail thuneitute chuan Ali khaihhlum turin ruahmanna an kalpui mek tih hriat a ni. Tualthattu Shabnam Ali hi 2010 khan thi tura a chungthu rel a lo ni tawh a, Supreme Court lamah a chungchang ngaihtuah nawn leh niin hun rei tak chhung chu thubuai ngaihtuah loin a awm a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!