Your Daily News

A Chhungten A Pasal Ruboin An Thahsak

0 357

Khawvel thang chho mek zelah hnam, chi leh chi inkarah harsatna lian tham lutuk hriat tur a awm tawh lo a tih theih awm e. Mahse, India ramah chuan hnam hnuaihnung leh hnampuite inkar chu a hla hle a buaina a chhuah phah fo reng a ni.

Hyderabad ah pakhat chu hnam hnuaihnung a nih avangin a nupui chhungten an that tih hriat a ni. Chinta Yoga Hemanth kum 28 a upa hnam hnuaihnung tlangval chuan nupui atana an hnam aia hnampui zawk leh hausa zawk nula Avanthi nupui ah a nei tih hriat a ni.

Hemite 2 hi reivaklo an inzui hnu chuan inneih an tum ta maia, a nula chhungte chuan an duh lo hle tih an sawi. Hemanth chu hnam hnuaihnung anih mai piahlamah a retheihna avangin makpa atan chuan an it thei ngang lo ani ber.

Mahse, hmangaihna chuan chi leh hnam hrehrang ve hek lo le June 11 khan an innei ta nghe nghe a ni. An fanu chu a pasal then mai turin an nawr ve nasaa an tih theih tak loh avangin nu leh pa ro pawh chang lo turin hming an ziah hnan zui bawk.

Tiang hian chhung leh khatte duhlohna karah an innei chho zela hmundangah an tlan zui ta a ni. Police-te hnenah venhimna an ngen nachungin venhimna an pe thei lo tih an sawia, September 24 khan Avanthi pasal chu a chhungten manin an phuara motorin an phur haw ta a ni.

Avanthi chuan a pasal pa kohin police hnenah an chunga thil thleng chu a hrilh nghala, a a pasal phurhna motor khalhtu a pate chu an mana a pasal erawh a thi tih an sawi. An makpa that tur hian mi an ruai tih hriat a ni.

Avanthi thubuai thehluh chu police-ten bawhzuiin a pasal thattu chhungkua mi 12 zet an man tih an sawi. Hemanth thahna ah hian mi 14 zet an tela an vai hian man an ni. Avanthi nu leh pate pawh man an nia, he tualthahna ah hian hmahruaitu an nih an rinthu police-te chuan an sawi lang bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!