Your Daily News

A Bo Atanga A Ni 7-naah Mipa Naupang Lalsiamthara Ruang Hmuh A Ni

0 749

Vawiin November 7, 2020 chawhnu dar 2:30 vel khan Mizoram leh Cachar inrina, a pa in a Auto Rickshaw a park-na (a kalsan na nia sawi) atanga KM5 vela hla, Tuidaikhur luiah Lalsiamthara ruang hi hmuh a ni.

Naupang kum 2 leh a chanve Lalsiamthara hi November ni 11 zing dar 7 vel atangin chin hriat lohin a bo a, vawiin hi a bo ni atanga ni 7-na a ni.

Vawiin bo zawn khar ni hian Vairengte khawtlang leh khaw hrang hrang atangin bo zawng turin an thawk chhuak leh a, group hrang hrangah inthenin Vairengte Hmarveng pa, Pu Templemawia leh a thiante chuan Cachar ramri dep lamah bo an zawng a, naute ruang hi tuiah bawkkhup zawnga lo awmin an hmu a ni.

Naute ruangah hian lang thei chinah engmah hliam leh mihring kutthlakna hnuhma awm hmuh tur a awm lova, tlemin a rim erawh a chhe ve tan tawh niin an sawi.

Tunah hian Vairengte police leh thlan bik mi engemawzat te chuan ruang awmna hi an pan mek a. Aizawl forensic lam hriattir ni tawhin ngaihchan mek an ni bawk.

Mitthi hi Lalsiamthara ngei a ni tih finfiah a nih tawh thu Pu PC Lalmuankima Vairengte Hmarveng branch YMA President chuan a sawi.

Source: Mizoram Special Report

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!