Your Daily News

A Bialnu Thar In A Phone-a Video A Dahthat Hmangin A Bialnu Hlui A Vaubehsaka, Sum A Lo Dil Ṭhin

0 1,092

Nulat tlangval lai chuan video leh thlalak lam uar lutuk loh hi a lo him ber lem lo. Bengaluru khawpuiah ah nula leh tlangvalte chu an inzui ngawrh hle a, tlangval Mahesh chuan a bialnu hlui chu online kaltlangin a be fo thin tih hriat a ni.

An inthenna atangin kum 11 chuang a ni tawh a, a bialnu hlui pawh pasal nei tawhin fapa kum 8 mi a nei tawh nghe nghe. Mahesh bialnu hnuhnung zawk Anushree pawhin Mahesh bialnu hlui chu a be ve thin bawka, an 3 chuan thiantha takah an insiam zui tih an sawi.

Nikhat chu Anushree chuan Mahesh bialnu hlui hnenah nupa nun an hman lai video a neih thu leh online lama thehdarhsak a duh loh chuan sum pe turin a vau zui ta a ni. Shalaini chuan pasal a neih tawh avangin a pasalin a hriat a hlauh em avangin sum chu a thawn ta a ni. Tiang hian a bialpa Mahesh leh Shalini-te mipathmeichhiatna an hman lai video hmang chuan a vau zui ta zel tih an sawi.

A chang chuang an video chu thawn telin a vau bawk a, kum 1 chhungin 1 crore zet a thawn hman a ni. Shalini leh a pasal chuan Bengaluru khawpuiah supermarket lian zet an neia, sum lamah harsatna an nei lutuk lem lo.

Vawi khat chu an video delete a duh thu sawiin a tawp nan sum tam tham tak thawn leh turin a ngen a, Shalini chuan a ning ta lutuk chu a number a block zuia, online lamah pawh an inbe pawp thei tawh lo a ni.

A pasal pawh chuan a nupui Shalini in a bank account a khawih chet dan chu hrechhuakin, Shalini hnenah thil awmdan a zawh chuan a inpuang fai ta vek a, police lamah thubuai an thehlut nghal tih an sawi. Tlangval Mahesh leh a bialnu Anushree-te chu police in manin thilawmdan an chhui zui mek a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!