Your Daily News

A Bialnu Thah A Tum Hnua Mahnia intihlum Ta Pa Pakhat Chu Police-ten Thubuai Siamsakin, A Thiamthu Sawi Turin An Ko!

0 533

A Bialnu Thah A Tum Hnua Mahnia intihlum Ta Pa Pakhat Chu Police-ten Thubuai Siamsakin, A Thiamthu Sawi Turin An Ko!

TNN in a tarlan danin Kerala Idduki district-ah pa pakhat chuan a bialnu thah a tum tih hriat a ni. Tianga mahni bialnu thah tumtu misual chu vanduaithlak tak maiin a intihlum hlauh maia, mak ang reng takin Kerala police-ten thubuai siamsakin a thil tihah insawifiahna nei turin an la ko ta tho a nih chu!

Mahni intihluma boral ta hi Nadirsha Ali niin, nu pakhat Pathadipalam a khawsa kum 28 a upa nen kum 2 chuang an lo inngaizawng tawh tih an sawi. September 2 khan thu pawimawh tak sawidun tur a awm thu chhuanlamin Ali chuan a bialnu chu Kanthalloor Bhramaram viewpoint-ah a hruai chhuak tih an sawi.

The Times of India in a ziah danin Ali leh a bialnute chu viewpoint a an awm lai hian intihhlum an tum ve ve a, intihhlum an tum lai video pawh hmuh theihin a awm niin a tarlang bawk. An 2 hian an thisen zam an zai chah hnuah Ali zawk chu viewpoint 250-ft a sang atang chuan leilamah a inbin thla zui ta a ni. Hmeichhia zawk pawh viewpoint bul maiah hliam tuarin an chhar a, private damdawi in lamah enkawlna dawng turin an dahlut ta a ni. vanneihthlak takin enkawlna a dawn hnuah a damchhuak leh ta ani.

intihhlum an tum lai video chu an chhui zui nghala, hmeichhia zawk chuan thih a duh loh thu sawiin tlangval Ali zawk chuan a nawrluia a thisenzam chu a zai chahsak tih hriat a ni. Intihhlum an tum hma hian mobile phone leh thildang chu car chhungah an kalsana, a hnuah hmeichhia zawk chuan phone chu la chhuakin an awmdan chu a chhungte hnenah video in a thawn ta a ni.

Hmeichhe statement kimchang tak an lak hnuah, police te chuan mahnia intihlum ta Ali chu dan hnuaiah thubuai an siamsaka,Ali chu a bialnu thah a tum avangin thubuai siamsak a nih thu Marayoor SHO chuan a sawi. Mahse, tualthah tum thubuai an siamsak tak Ali ber chu a hmel hmuh tur a awm tak loh avangin, a thubuai pawh ngaihtuah theih a ni ta chuang lo a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!