Your Daily News

A Bialnu Hlui Banah Chelha A Lamah A Pawh Avangin Kum 1 Jail Tang Tura Tih A Nih Bakah Rs.5000 Chawi Tura Hremna Pek A Ni

0 786

Hun liam tawh kum 2014 kumah Mumbai tlangval chuan a bialnu hlui chu a banah chelhin, a lamah a pawthnai tih hriat a ni a, he thil hian hmeichhia te zahawmna a tibawrhbang a ni tiin Magistrate court chuan a mipa hi thiamloh a chantir ta a ni.

A bialnu hlui bana pawttu Mumbai tlangval hi kum 1 tang tura thutlukna siamsak niin, pawisa Rs.5000 chawi tura tih a ni bawk.

Court chuan he thil thleng hi uluk takin a ngaihtuah a, tunhmaa Mumbai tlangvalin he nula a lo ngaihzawn avang ngawt khan tun hunah heng ang thil ti tur hian dikna chanvo a nei lo tih Court chuan a tarlang a, tiang hian thutlukna a siam fel ta tih The Times of India chuan a tarlang a ni.

Court in a tarlan danin, hremna tuartu he Mumbai pa hi tunah nupui nei tawhin fa kum 2 mi a nei tawh nghe nghe. He thil thleng hi kum 7 liam ta 2014 kum ami daih tawh kha niin, hremna na tak inpek erawh Court chuan a remti lo thung.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!