Your Daily News

Vote Tla Chhiarnawnna Neih Mekah Georgia, Floyd County-ah Vote La Chhiar Hauh Loh 2,600 An Hmuchhuak. Republican Chan A Ni Zui!

0 374

Georgia’s Floyd County a Vote tla ennawn lehna neih mekah presidential ballots 2,600 chuang zet la chhiar loh haichhuah a ni. Mahse, he vote tla la chhiar loh hian Biden leh Trump inkarah danglamna a siam lo tura ngaih a nia, Biden hian 14,000 chuang in a la khuh pha tho a ni.

He thil diklo thlen chhan nia an tarlan danah Election official-ten memory card a vote tlate chu ballot scanning machine-ah an upload loh vang a ni tih Atlanta Journal Constitution chuan a tarlang.

State voting system manager Gabriel Sterling chuan he thil hi khawl fel loh vang lam niloin, thawktuten felfai taka an hna an kalpui loh vang a ni tih a tarlang bawk. He thil thleng hian thuneitu sang lam inthlahdah zia leh an rintlak lo zia a pholang chiang hle a ti a ni. Hetih rual hian Sterling chuan County election director chu bang turin a phut bawk.

Chairman of the Floyd County Republican chairman, Luke Martin pawhin Vote tla chhiar loha a awm ta mai chu thil pawi tak a ni tih sawiin, thil diklo a darh zau hmaa hriatchhuah a ni chu lawmawm a tih thu a sawi ve bawk.

Zirtawpni hma ngeiin Vote tla (ballots) dangte pawh endik leh vek a ni dawn tih County Election Official-te chuan an sawi a ni.

Georgia hi Republican chakna a lo ni thina, 1992 hnu lamah Joe Biden chu Democratic presidential candidate hnehna chang thei awm chhun a ni.

Trump’an vawiin ni thleng hian election-ah a chak lo a ni tih a pawm dam thei lova, thil fello awm chu chhui a nih ngei theih nan hma a la reng a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!