Your Daily News

VOTE Chhiarna Hmun Chawhbuai Tum Mi 2-te Chu Silai Thahnem Tak Nen Police-ten An Man

0 246

America ram ropui inthlanna vote chhiar mek chu zawh a la nilova, Biden nge chak ang Trump tih pawh chiang taka sawi theih a la ni lo. Hetih lai hian Trump chuan vote chhiar danah felhlel awm nia ngaiin dik tak vote chhiar nise a tling ngei ang tih chu thinrim takin a sawi ve bawk.

President nih tum ve ve Biden leh Trump chu an 2 in an inhrosa mek a, hetih lai hian vote chhiar danah fello awm anga thuthang a awm avangin Trump tantu mi thahnem tak chu Vote chhiarna ah pungkhawmin buaina siam an tum renga, election kaihhnawiha hnathawktute pawh an lu a hai map map hle.

Pennsylvania, Conventional Centre lam pana motor tlan mek chu police-ten lo tidingin, motor chhung an en chuan silai leh a mu thahnem tak an hmuh thu an sawi. A chhunga chuang mi 2 Vote chhiarna chawhbuai tumtu ni ngei a rinte chu an man zui bawk.

Police leh sipai thahnem takin Vote chhiarna hmunpui chu uluk takin an veng renga, Biden tantu emaw Trump tantute pawh nise a chak lo zawk zawkin buaina an chawhchhuah an hlau hle a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!