Your Daily News

Mobile App ah chhiar theih in a awm e

US-IN RALTLAN LUHKHAPNA A HLIP

0 159

US sorkar chuan high-risk ram 11 aṭanga raltante an rama luh a khapna chu a hlip.

Homeland Security Secretary Kirstjen Nielsen-i chuan raltlante luh khapna hlih a nih thu hi a sawi a, hemi rual hian an rama an luhtir phalsak an nih hmain enfiah vek an nih tur thu a sawi.

US President Donald Trump-a kaihhruai sorkar chuan nikum October thla khan Muslim tamna ram 10 – Egypt, Iran, Iraq, Libya, Mali, North Korea, Somalia, South Sudan, Sudan, Syria, Yemen bakah North Korea aṭanga raltlan luh khap a nih thu hi a lo puang tawh a ni.

Nielsen-i chuan an rama lutte an hriatchian chu a pawimawh hle tih a sawi a, US-a lut turte endikna khauh zawka siam chu an refugee programme tihbuai tumna rilru ṭha lo pute tan a harsat phah dawn a, hei bakah hian US leilung humhalhna turin nasa zawkin hma a la dawn bawk tih a sawi.

Kum thum kalta chhung khan  US-a raltlan lut zinga 40% chuang chu heng ram 11 aṭanga lutte hi an ni.

US sorkarin nikum October thla aṭanga raltlan luh khapna a hman aṭang khan fiscal year 2018 chhunga raltlan lut hi kum hmasa lam aiin a zahve velin an tlahniam a, heng ram 11 aṭanga US-a raltlan lut pawh hi October thla aṭang khan mi 23 chauh an awm a ni.

President hlui Barack Obama khan a term tawp dawn hnaih, kum 2016 October thla khan kum 2017 chhung atan an rama pemlut leh raltlan 110,000 lakluhna tur a siam a, mahse Trump hian kum 2017, January thlaa President office a luah hnu khan 53,000 ah a tihniam a,  kum 2018 atan 45,000 chinah a bithliah leh bawk.

 

credit, vanglaini

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com