Your Daily News

US President Kalchhuak Ta Donald J. Trump’an President Thar Joe Biden Tana Thuziak A Hnutchhiat Chuan Social Media Lamah Sawi A Hlawh Nasa

0 1,448

US President thar atana lakluh Joe Biden chuan, a hmaa president kalchhuah ta Donald Trump’an Oval Office dawhkanah thuziak a hnutchhiat tih a sawi. A thuziak hnutchhiat erawh engthu nge tih a sawi lang lo thung. President thar Joe Biden hi US Chief Justice John Roberts’an rinawmna thu tiamtirin Nilaini khan US President vawi 46th-na ni turin a la lut a ni.

US President lo tang tawhte chuan Office an chhuahsan dawn apiangin anmahni thlaktu tur President thlan thar hnenah thuziak an lo hnutchhiat thin a ni. President thar Joe Biden chuan Pu Trump thuziak hi mimal thil a nih avangin, amah nen an intawn leh hma chu engmah midanb hriatah sawichhuah a tum lo tih Nilaini khan Whitehouse, Oval Office reporters-te a hrilh.

Hetih lai hian President kal chhuak ta Donald Trump’an Joe Biden tana thuziak a hnutchhiat ni ngeia rinhlelh thuziak tawi pakhat chu social media lamah a darh chiam tih hriat a ni.

He thuziak hi January 20, 2020 a ziak ngei niin, President kalchhuak ta Donald Trump signature a chuang bawk a, “Joe, ka hneh che tih i hria” tiin a ziak ngat a ni.

He thuziak hi Trump ziah ngei a ni em tih chu nemnghet a ni chiah lo nain, blogpost lam chuan President kalchhuak ta Donald Trump ziah ngei a nih thu leh Joe Biden tana a hnutchhiat ngei a ni tih a tarlang.

President kalchhuak ta Donald Trump chuan Joe Biden, US President thar atana lahluhna inkhawmah tel a tum lo tih a lo sawi tawh ang ngeiin, he hun pawimawh takah hian a hmel hmuh tur a awm lo a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!