US-in Pakistan ṭanpuina a pek ṭhin titlem dawn

By Johnny Kima On Jan 5, 2018

US President Donald Trump ends his address to the nation from Joint Base Myer-Henderson Hall in Arlington, Virginia, on August 21, 2017. Trump warned Pakistan on Monday that Washington will no longer tolerate Pakistan offering "safe havens" to extremists. "Pakistan has much to gain from partnering with our effort in Afghanistan," he said. "It has much to lose by continuing to harbor criminals and terrorists." / AFP PHOTO / Nicholas Kamm (Photo credit should read NICHOLAS KAMM/AFP/Getty Images)

US sorkar chuan Pakistan tana security tihchakna tura ṭanpuina a pek ṭhin a tihtlem tur thu a puang thuai dawn tih Congress member-te a hrilh.

State Department chuan Pakistan ṭanpuina an pek ṭhin tihtlem a nih tur thu hi a puang dawn a, mahse eng zatin nge a tihtlem dawn tih leh, eng chena rei nge hei hi hman a nih dawn tih erawh a la sawi lang lo.

Pakistan sorkar hi Afghan Taliban firfiak pawl nena thawkdun, Haqqani pawl thlawpa puh a nih avangin US nena an inkar boruak hi tun hnaiah a ṭha lo hle a, US chuan Pakistan ram chhungah hian Taliban commander te pawh zalen takin an awm niin a puh hial. Pakistan sorkar chu a ram chhunga firfiakte chunga action a lak loh leh, Haqqani firfiakte a thlawpna a tihtawp loh chuan chhawmdawlna a pek ṭhin pawh tihtawpah US President Donald Trump chuan a lo vau tawh a ni.

Kar hmasa khan White House chuan Pakistan tana ramdang sipaite puihna a pek ṭhin, dollar maktaduai 255 chu a pek dawn loh thu a lo sawi tawh a ni. Pakistan hian kum 2002 aṭang khan US hnen aṭang hian kawng hrang hranga puihna dollar tluklehdingawn 33 chuang a dawng tawh a, heng zinga dollar tluklehdingawn 8.2 chu security kaihhnawih thila a dawn a ni. He ṭanpuina a dawn aṭang hian Pakistan chuan F-16 fighter jet lei a tum a ni.

credit, vanglaini