North Korea chuan tun hnaia Korea ram pahnihten inbiakna an neih chungchangah, inbiakna an neih theihna tura US hmalakna a fak avangin South Korea President Moon Jae-in a sawisel.
Official Korean Central News Agency (KCNA) SKorea President hian press conference a neihnaah, US President Donald Trump chu inbiakna nei tura NKorea a nawr avangin lawmthu a hrilh a, hei bakah hian NKorea nuclear programme tibo tura US ngenna pawh an inbiakna in a tum ber tur a nih thu a sawi niin a tarlang. KCNA chuan Korea ram pahnihte chuan an inkar boruak siamṭhat tumin hma an la ṭan leh mek a, hetih laia Moon-a thusawi duh dan hian north leh south inkar boruak siamṭhat a duhdan leh inrintawnna awm theihna tura hmalak a tum danah a ti rinhlelhawm thei a ni, a ti.
Korea ram pahnihten official-a inbiakna an neihnaah hian South Korea-a Pyeonchang Winter Olympics neih turah NKorea aiawhte tirh an remti a, hei bakah hian Korean Peninsula-a boruak muanawm a awm theihna tura hmalak pawh an remti bawk a ni. NKorea chuan January 17 hian Panmunjom khuaah Winter Olympics-a an tel dan tur chungchang ngaihtuahnaah vice ministerial level inbiakna neih leh a rawt a ni.
Credit, vanglaini