Your Daily News

US Election Result Tihdanglam A Nih Theih Nan Kim Jong-un In Lawng Hmangin Votes A Lo Thawn Tih, Former Top Aide Roger Stone Chuan A Sawi!

0 916

Donald Trump thianhnai tak zinga mi challang tak pakhat Roger Stone chuan Conspiracy theorist Alex Jones hnenah, US election result tih danglam a nih theih nan Kim Jong-Un’an votes thahnem tak lawng hmangin US-ah a thawn lut tih a sawi leh ta!

Roger Stone chuan Conspiracy theorist Alex Jones hnenah “Thudik hnial rualloha chiang leh finfiahna awm bawk chu North Korea lawngte chuan Maine State, Maine lawngchawlh hmun kaltlangin Election result tihdanglam nan US-ah votes an rawn thawn lut a ni” tiin a sawi. He thil hi chhuichian a nih hunah US election neih zawh takah khan ramdangte an inrawlh ngei a ni tih chu a tichiang leh zual ngei ang le!!

Trump thian hnai thusawi mak danglam tak chungchang ah hian Maine Election official-te chuan engmah sawi an la nei lo niin an sawi. Trump leh Kim Jong-un te hi 2018 kuma Singapore a Summit neih tum khan an inhmu a, US president-te zingah North Korean hruaitu hmu hmasaber a ni nghe nghe. Kim leh Trump-te heta tang hian an inchawimawi tawn thiam hle tih an sawi a ni.

Former Trump Adviser Roger Stone hi 2015 kumah President’s White House Campaign atanga ban a nia mahse, Trump lam ah a tang chhunzawm ta zel tho a ni. November 2019 khan sawrkar investigators-te hnenah Roger Stone chuan dawt a sawi avangin thiamloh chantir a nia, thla 40 chhung tang turin tân in ah khung a ni. Mahse, Pu Trump’an a hremna chu a tih nepsak leh ta a ni kha. Roger Stone lar ve tak pakhat chu mawza bun lova pheikhawh a bun thin vang a ni tih Newsweek chuan a tarlang.

Hei bakah hian Roger chuan President Trump chu US president a nihna a bansan tur a ni lo tih sawiin, a tling zo ta lo a nih pawhin sipai chakna (Martial Law) hmangin US khawpuite chu a thunun mai tur a ni a ti bawk.

Trump leh a pawlte, US election result a an lungawihna hian rah tha a chhuah thei dawn em tih chu khawvel miten an thlir thup a ni ber mai. Hnehna a chang ta lo a nih chuan January 20 atangin Biden chuan Office a luah tan dawn a ni. (Metro)

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!