Your Daily News

UN Security Council Tawng Chhuak Ta! State Councillor Pi Aung San Suu Kyi Chhuah Thuai Turin Ti

0 1,311

Pi Aung San Suu Kyi chu Nilaini liam ta khan import Law hmanga thubuai siamsak a nia, a tuk Ningani khan UN Security Council chuan NLD leader leh State Councillor ni bawk Aung San Suu Kyi chu chhuah zalen thuai turin awka a nei zui ve leh ta!

UN Security Council chuan Myanmar rama sipai chakna hmanga sawrkar paihthlaka awm chu an ngaihmawh thu tarlangin, State Councillor Pi Suu Kyi bakah President Win Myint tiamin hruaitu lawk hren mekte chu chhuah nghal thuai turin thuchhuah a siam tih Reuters chuan a tarlang.

Hei bakah hian Myanmar ramah mipui sawrkar (democracy) tundin a nih ngei theih nan mimal zalenna inzahsakte leh zalenna tluantling a awm theih nan Rule of Law ngaih pawimawh a tul thu an thuchhuah chuan a tarlang bawk.

United Nations Secretary-General Antonio Guterres pawhin khawvel ram hrang hrangte chu Myanmar Sipai chetdan chu do tur leh a tul huna che mai thei turin insingsa tan turin a ngen nghal bawk.

Sipaite chuan sawrkar dinglai paihthlaa thuneihna an chan theih nan diklo takin Aung San Suu Kyi leh President Win Myint-te chu Nilaini khan thubuai an siamsak a, tan inah khung ngei an tum a ni. Hetih rual hian state of emergency kum 1 chhung an puang zui bawk a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!