Your Daily News

Mobile App ah chhiar theih in a awm e

RUIHHLO HI SIPAI LEH POLICETEN AN HLAWKPUI EM?

0 123

He thlalak hi Yangon ah June 26, 2017 khawvel ruihhlo do ni a ruihhlo chi hrang hrang an man te an hal lai chu a ni. Khawvel pumpuiah Kawlram Shan State hi ruihhlo siamna leh thehdarhna hmunpuiber a ni tawh avangin Kawlram tan chuan remna leh himna a derthawn phah nasa dawn a ni tih Brussels a thu khawvel pumpui buaina leh harsatna enthlatute ICG chuan Thawhlehni khan lehkha a chhuah.

ICG chuan Mekhawng leh a chhehvel ah hian kumtin American dollar billion 40 man ruihhlo zawrh chhuah a la ni renga, chung sum chu Kawlram sipai leh a thurualpui civil sipai pawl leh helpawl thenkhatte chuan a hlawkna an tel tiin a sawi. ICGin silai leh ruihhlo tih thupui hmanga a lehkha chhuahah chuan kum 70 chhung Kawlram tualchhung buainain  a hrinchhuah chu khawvela hruihhlo siamchhuak tamberna chu Myanmar Shan ram hi a ni tih a ni.

Myanmarah ruihhlo hi beihpuithlaka dovin nuai chimit pawh tum tehreng i la, sipaiten an hlawkna tawp mai tur chu duh bik hek lo le, chhui thui poh leh a hlauhawm tual tual, ka type lai pawh hian ka khur deuh nia aw. Tan Daw Sin chanchinbu a Editor hlui U Khun Sai chuan ‘ICG thuchhuah hi a tlangpuiin a dik a ni’ a ti.

Helpawl hneh tur chuan sipaite pawn tanpuitu an mamawh a, min kawp chuan chutiang katiang te pawh a awm mahna, a thupui ber chu heng harsatna hi engtinnge kan paltlang ang a, inremna kan hmuh theih ang tih hi a ni’ a ti. ICG thuchhuah phek 36na ah chuan Kawl sipaiten ruihhlo nena inhnamhnawih civil sipai leh helpawlte chu khuahkhirhna siam sak zel a, a tul chuan an pawl tihtawp sak thlengin hma la thei se tih an tarlang bawk.

source ‘VOA’

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com