Your Daily News

Mobile App ah chhiar theih in a awm e

RAMDANGA AWM MYANMARTEN UNION DAY AN HMUH DAN

0 84

Myanmar ramin Union day a hman hi avawi 72 na lai a ni tawh a, mahse vawin ni thlenga tualchhung buaina a ching fel thei si lo hian lung a ti hai hle a ni titute an awm lai in a tha zawnga thlirtute pawh an awm ve tho a ni. Pinlong inremna lehkhaa hming a sign hnu ah AungSana chuan ti hian a sawi.

‘Hnam leh hnam inremna  mihring leh mihring kan inremna a pawimawh, hemi pahnih hi kan neih loh chuan eng party pawh chak se, eng sawrkar pawn min awp mah se, Nawhchizuar ram kan ni tho tho dawn, chuvangin hemi pahnih hi ka sawi duh, lo zawm tlat ang che u’

Saphovin Aungsana hnenah ‘nangni kawlho leh tlang leh phaia awm hnamdangte inlungrual loh chuan independent kan pe thei lo che u, an tih vangin Aungsana hnamdangte hnenah kan lungrual pawt anga independent kan hmuh vel leh mahni theuhva inawpna ka pe ang tiin a lo hmina, Independent an hmuh atang vawin thleng  kum 70 chuang zet chhung hian hnam leh hnam inrem leh mihring leh mihring inrem pawh a la awm lo, kawlho hlirin min awp bet hi a dik lo’ tiin US a awm Shan Literature chairman doctor Soe Htwe Maung chuan a sawi.

Rakhai hnam U Khin Mawng Saw chuan, ‘U Thei Seia hun lai aiin NLD sawrkar ah hian Union a awm tawh lo zawk, a chhan chu Shan state leh Rakhai stateah hian Shan leh Rakhai te chak zawk mahse sawrkarna min pe phal lo, a ram chhung mipuite (kaya) phalna lovin Aungsana lim an phun vel, a ram chhung mipuite (Monho) rawn lovin Aungsana lei tihte an phuaha, Mon mipuiten in state lei hi nangmahni Mon zinga mi hmingthangte hming pe rawh u ti se, engang tlukin nge an lawm dawn? A pa Aungsana thutiam ka bawhzui timahse a hmalak dan hi a union lo a ni, hnamdangte min dah lal lo, kan ramah hian kawl hi an lal bik a, hetiang nilovin mahni state theuhvah hian sawrkarna min pe sela tu hnam mah kan hel peih dawn lo, kan union viau zawk ang’ a ti.

source VOA’

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com