Your Daily News

RAKHAI RAM ENFIAHTU TUR A LO THLENG

0 414

Rakhai ram chhunga thil awmzia enfiahtu tur Philippinemi Ms Menalo chu nimih Sunday khan Myanmar a rawn thleng. Amah hi Rakhai state inquiry commission chair person a ni a, a rorelpui Japan rammi ms Kinzu Oshima pawh thawhtan hian a rawn thleng dawn a ni.

Hemite rawn kalna chhan diktak hi Myanmar sorkar chuan a sawichhuak lem lo. Chutiang bawk chuan Rohingya mi nuai sarih chuangin an in leh lote an chhuahsan tuma thilthleng diktakte en fiah tura Myamarin a ruat bik inquiry commissionte report pawh vawin thlengin tarlan a la ni chuang lo.

Myanmarte inquiry commission chuan mediate an kawmnaah chuan kawlram an sawiselnaah hian hriatpuitu dik tak kan la hmu lova, data erawh chu kan khawlkhawm mek a ni an ti. UNO lam atanga inquiry commission ve thung chuan Rakhai state chhunga Rohingya Muslimte chungah Myanmar sipaiten a hleihluatin thil an ti a, hemi chungchanga mawhphurhna neitu sipai lal thenkhat chungah hremna thleng ngei se tih a ni ve thung.

Kawlram sawrkar chuan Rohingya tih tawngkam an pawm loh thu leh UNO lam inquiry commissionte thuchhuah hian tan lam a nei tiin a sawi ve.

source ‘VOA’

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!