Your Daily News

Putin-an Trump-a lawmthu a hrilh

0 727

Russia President Vladimir Putin chuan US President Donald Trump chu Saint Petersburg beih tumna lo danchah kawngah CIA in a puih avangin lawmthu a hrilh.

Vladimir Putin hian Pathianni khan Donald Trump hi telephone-in a bia a, Russia FSB-ten Russia khawpui pawimawh beih tumtu, firfiakte an dan theihna atana CIA-in information pawimawhte an hrilh avangin lawmthu a hrilh. Russia news agency-te chuan CIA-in Russia hnena information a pek hi pawikhawih tumtute manna zawnna a, manna tur khawpin a chiang tawk niin an sawi.

Putin chuan Russia security agency-te chuan US leh a ram mipuite himna tiderthawng thei thil thlen tura firfiakte chet tumna an  hriat phawt chuan chanchin kimchang an hriattir ve nghal zel tur thu a sawi bawk.

FSB hian CIA-in information a pek bawhzuiin, kar kalta Zirtawpni khan Saint Petersburg-a mipui lunna lai hmuna thihchilh bomb tihpuah a, mi tam tak thihna thlen tumtu, Islamic State (IS) pawl member pasarih an man a ni. Police-te chuan an mi mante kut aṭang hian tualchher bomb siamna hmanrua te, automatic rifle, silai mu leh firfiak pawl chanchinbute an man tel a ni.

FSB hotu, Alexander Bortnikov chuan Russia chuan World Cup a thlen dawn vang leh, nakkuma president inthlan an neih dawn vangin venhimna lam pawh khauh zawka an kalpui mek thu a sawi. Kumin chhungin Russia hian beih a tawk fo a, April thla khan Saint Peterburg metro-ah bomb tihpuah a nih vangin mi 14 an lo thi tawh a ni.

Credit, vanglaini

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!