Your Daily News

President Hmasa Geogre W. Bush’an US Inthlanna Chaklo Trump Chu Inthlanna Felfai Neih A Nih Hnuah A Chaklohna Pawm Hahdam Turin A Hrilh

0 344

US President hmasa leh mi viak tha tak George W. Bush chuan US president inthlanna hnehna changtu Joe Biden chu a lawmpui tak zet tih thuchhuah siamin Chawlhni (Sunday) khan a sawi. A ni bakah hian Vice President thar tur Kamala Harris pawh lawmpuina a hlan nghal bawk.

Joe Biden’an thlantlin a nih hnua rampum huapa thusawina a neih hmasak ber ni leh hnehna a chan hnuah mipui hmaa a din hmasak ber nia a thusawi zawhah Bush chuan he a lawmpuina thu hi a sawichhuak a ni.

W. Bush chuan Biden nen an inbiak thu leh US President vawi 46-na atana tlantlin a ni chu a lawmpui tak zet tih sawiin Barack Obama leh President kalchhuak tur Trump te ang bawkin a lawmpui a ni a ti bawk.

Hetih lai hian Pu Trump erawh inthlana vote chhiardan ah a lungngawi thei hlawl lova vawiin ni thleng mai hian US Election 2020 neih zawh tak khan hnehna a chang a ni a la ti fan a ni.

Republican president hmasa George W. Bush chuan Donald Trump chu a chaklohna ah lungngawi tum tur leh Biden hnehna chan chu pawm hahdam turin a ngen ve bawk. Trump’an vote tla chhiar nawn leh tura a ngenna chu a mimal zalenna a ni tih sawiin dan angin dikna a zawng theia, harsatna chinfel loh a nih chuan danin ro a rel ang a ti bawk.

Bush chuan “He inthlanna ropui tak neih zawh takah vote tlate chhiar zawh a ni tawha, America ram mipui tam tak chuan he inthlanna hi a felfai a ni tih an ring ngam a ni” a ti. Thawhhona pawh a thain a rah pawh a thianghlim a ni tiin a sawi lang bawk.

Former president leh a nupui Laura Bush-te chuan an leader thlan tharte zahna chibai an buk tih sawiin ram tana hna thawk thei zel turin Pathian hruaina chang se tih chu an tawngtaina a ni tiin a sawi a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!