Your Daily News

President Donald Trump’an Sawrkar Inthlak Turin Ruahmanna Kalpui A Remti Ta!

0 317

Kumin 2020 US Election zet chu a pui rem rem hle mai. Democrat lamin hnehna chang anga khawvel media hrang hrangten an puan sup sup laiin Trump erawh chaklo ah a in ngai thei lova, a bei chhunzawm zel rih a ni. Mahse, nawrna a nasat tak em avang leh sawrkar inthlak hun a lo hnaih tak zel avangin a Sawrkarna inthlak tura ruahmanna kalpui turin Trump chuan a remtihpuina a tichhuak ve ta a ni. Mahse, a la bei zel dawn tih a sawi.

President Trump chuan sorkar inthlak kalpuitu federal agency te chuan ‘an tih tur leh tul an ti ang’ tiin a sawi a, mahse, inthlan result chu khin chhunzawm reng a tum thu a sawi thung.

US President inthlak buaipuitu ber General Services Administration (GSA) te chuan Biden chu ‘chak zawk ngeiah’ an ngaih tawh thu an sawi ve bawk.

Hei hi Biden-a’n Michigan-ah chakna a chang chiang tih pholana official tena an tihchian tak vang niin Trump tan chuan hlohna nasa a ni thung. GSA tena hmalak zui an tum thu an sawi hnuah Pentagon pawhin Biden team te chu an puih nghal tur thu an sawi bawk. Biden transition website pawh US government domain a thlak zui nghal a ni.

Nakum 20 January ah US president atana lakluh a nih dawn avangin tun atangin Joe Biden chuan a sorkar kalphung tur leh ami duhte a thlang tan mek tawh a ni.

“Kan ramin harsatna a tawh te pandemic thunun leh kan economy siamthat nan hmalak a ngai a ni,” tiin Biden team te chuan thuchhuah siamin an tarlang.

A hmain Biden chuan foreign policy leh national security team phochhuakin Obama administration laia a thawhpui hlui te an ni deuh fur. Anthony Blinken chu secretary of state-ah ruatin John Kerry chu climate envoy a ni ang a, Janet Yellen chu hmeichhia US Treasury Secretary hmasa ber a ni dawn bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!