Your Daily News

Parkinson’s Disease-ina a bawhbuai President Putin’an Janaury thlaah A President nihna hawlhsan Dawn!

0 194

Moscow thulaknain a tarlan danin Russian president leh leader chak tak Vladimir Putin chuan Parkinson’s natna a vei avangin January ah a nihna dihmun atanga a chawlh tur thu a tarlang ta tlat mai.

Kum 68 a upa Russia President nilai mek chu a hmaa a hmeichhe lo zui Gymnast Alina Kavaeva kum 37 mi chuan president atanga bang turin a nawr tih hriat a ni bawk.

Putin, khawvel hruaitute zinga mi chak tia sawi thin chu a hriselna lam a tha tawk lo niin an sawia, hman ni lawk pawh khan ke a kal leh a chetdan chuan ngaih a tihthat loh thu an sawia, khupdawma a awm lai hmuh a ni chuan mite ngaih a ti tha lo hle.

Legislation thar ama duanchhuah ang chuan a damchhunga President dinhmun chelh thei a nih reng laiin a taksa chaklohna avangin a chawlh a tul dawn a ang ta hle.

State-run RT media pawhin a hriselna chungchang chu sawilangin tun hi Putin’an Parkinson’s disease a neih thu Russian mipuiten an sawichhuah vawikhatna a ni mai lo a ti bawk.

Kremlin critic Professor Valery Solovei chuan nizan khan sawilangin a bialnu Ms Kabaeva bakah a fanu Maria Vorontsova kum 35 leh Katerina Tikhonova kum 34 mite pawhin a dinhmun atanga chawl turin an duh thu a sawi ve bawk.

Solovei chuan President Putin’an Parkinson’ disease a vei tih The Sun hrilhin a chhungte, ama dinhmun thatna ngaihtuahtute an awma, January 2021 ah hian mipui hriatah puang turin ruahmanna a nei mek a ti bawk.

Ref: Daily Mail

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!