Your Daily News

Mobile App ah chhiar theih in a awm e

PALETWAH POLICE STATION CHU AA SIPAITEN AN BEI

0 55

Myanmar sipaite leh AA te indona chu a la zual zela, Chin state Paletwah khaw lamah pawh an inkah zel avangin civilmi man leh thahte an awm zeuh zeuh zel bawk. Paletwah biala police station pakhat chu AA ten an rawn dova, officer pakhat leh veng lal pakhat an hruai tiin Myanmar sipaite chuan an puang.

Zing 4:00 am velah khan Tantawng khuaa mi pathum chuan Police stationa awm officer Salai Biva chu in hnenah kan rawn insurrender duha i rawn kal lawk thei angem?tiin an tihdera, an hruai a ni. He officer hi a kid pahnihin an zui a, field an pelh chuan police pahnih chu an hawn tir leha, kan hual vek tawh che u a, tlawm mai rawh u tiin AA chuan thu an chah. Mahse Police lam pawh an tlawm duh bik lova zing 4:40 am khan silai lian chiin police station chu an rawn kap a ni. 8:30 am pawh khan mi 20 atanga 30 rualten an rawn nawn leh bawk. Mahse police station chu an la ta lo a ni.

Vawin Zirtawp zingah pawh AA leh Myanmar sipaite chu MiauhOo bial, Naleih khawbulah an inkapa civilmi 160 vel chu Chauhkyat khaw lamah an tlan. Tin chawhnuah pawh khan Chauhtaw bial Zichhawng tuikhuah hmar lamah Kawl sipai leh AA te an inkap bawk.

source ‘VOA’

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com